السلام عليكم ورحمة الله و تعالى و بركاته


تحية طيبة لكل أعضاء المنتدى الكرام

هدا موضوع يخليك تعرف الجزائري من 10000000000000000000000 ...شخص


*كي يتلموا كل افراد العائلة كل يوم الجمعة وعلى طبق الكسكس فإعلم بللي راك جزائري



*كي تتفقد قارورة الغاز بشعلة نار او شعلة عود كبريت ومتجيكش بللي فيها خطورة عليك فإعلم أنك جزائري



*كي يعتبرونك قاصر على ترك بيت الوالدين ونتا عندك 30 سنة فإعلم بللي راك جزائري وإبن جزائري



*اذا كان غدوا إن شاء الله هو اليوم الللي تخطط باش تدير فيه كلش فإعلم أنك جزائري



*اذا قلت كلمة ان شاء الله 60 الف مرة في جملة واحدة فاعلم بللي راك جزائري



*اذا كنت غير مقتنع تماما بآخر الإحصائيات لأنك تظن أن ثلاثين مليون هم برك من يملؤون المقاهي فإعلم بللي راك جزائري



*كي تخرج ملابس الشتاء علا جال هبطت درجة الحرارة تحت الدرجة 25 فأنت فعلا جزائري

*عندما يكون طعامك ومسكنك ودراستك ونقلك مجاني ومن فوق يقدم لك منحة مالية كل ثلاثة اشهر فاعلم انك والله لست مجرد طالب جزائري


*عندما يستلزم اقناعك بالنهوض والرقص في حفلة عائلية اكثر من اربعة اشخاص يحلفونك بكل من هو غال عندك بينما بمجرد ان تنهض واحد ميقدر يحبسك عن الرقص فأنت حقا جزائري



*كي تعيط بعد منتصف الليل بصاحبك بلا متحشم تسقسيه كي شغل متعرفش : هل أيقضتك؟؟ فأنت 100 بال100 جزائري



*كي تزيد في صوتك في إتصال مع صديق خارج حدود الوطن إقتناعا منك أنه قد لا يسمعك علا خاطر بعيد فأنت دون شك جزائري



*كي تكون كلمة الله غالب هي الجواب الذي تعلل به كل أخطائك فأنت والله جزائري



*كي يكون ردك لاباس الحمد لله حتى وان كنت في اسوأ حالاتك اذا سألك احدهم كيف حالك فاعلم انك جزائري



*عندما لا يعلم حتى أقرب المقربين إليك كم تتقاضى شهريا فأنت جزائري



*كي تحل هداياك بتأن و بطريقة تسمح لك باعادة استعمال ورق الهدايا لاحقا فاعلم انك جزائري



*كي تعيط علا سيدة ليست من اقاربك بقولك "خالتي" او "يما" اي امي فاعلم انك جزائري


*كي تاكل تخلي اللحم الى الاخير فانك والله جزائري



* كي تمتلك اكتر من 100% من الاقراص المضغوطة CD ببيتك غير اصلية "مقرصنة" فاعلم انك جزائري ومايفوتك شيئ بخصوص التكنولوجيا والاعلام الآلي


* كي يكون منزلكم مليئ بأشياء غالبا لا تستعملها لكنك تحتفظ بها ما عرفت يمكن يجي شي نهار تحتاجها" فاعلم انك جزائري



*كي كنت صغيرا كانو والديك يشريولك ملابس غالبا ما تكون اكبر منك بمقاسين علئ الاقل كي تستغلها لمدة اطول فاعلم انك جزائري ابن جزائريان



*كي تبوس ايدك لما تحك بيها عينك فوالله انك جزائري



* كي تحتاج لصاحبك تبيبيلو 10 مرات حتى يكره من رناتك ويجي هو لحد عندك فاعلم انك جزائري



*كي تعيط علا أي احد تعرفو ولا ماتعرفوش خويا أو أختي حتى ولو كنت في الخارج تقول mon fréreخاصة المغتربين حتى ظن الغرب ان كل الجزائريين اخوة من ام واب واحد فاعلم انك جزائري



*كي تدخل على بيت من البيوت ليلا وتلقى افراده نائمون في فناء البيت او في سطحة فاعلم انك عند عائلة جزائرية

وفي الأخير تحيااااتي لنفسي لأنني جزائري و لكل الجزائريين



الموضوع الاصلي : algerien 100%  المصدر : منتديات الباسل  الكاتب:  houssem loujain